Lanbroa

LEKORE (2016)


Kasinoko eskailerak ia binaka igo ditu Sashak. Dagoeneko gautu da zerua. Zabalduta dagoen ate ostean zalantzati galdekatu du atezaina. Kontzertua? Eskailerak jarraituta zuzen iritsiko zara aretora. Marmolezko eskailerak arnasa sakon hartuz igo ditu. Ez dabil inor. Mendeak zain daramatzaten mamuen itzalak baino ez. Berriz galdetzekotan egon da. Hau al da kontzertu aretorako bidea? Eskaileren buruan agertu zaio ate astuna. Esku bat eskulekuan atzerantz begiratu du.

Irakurtzen jarraitu

Behin batean ardi bat igaro zen ursa minorretik ursa maiorrera

LEKORE (2015)


Behin batean ardi bat igaro zen ursa minorretik ursa maiorrera. Bat.

Atzetik beste bat. Artilean puntu orlegi bat zuen hark.

Hirugarrena pasa zen ondoren, beltza hura.

Laugarrenak begi oso txikiak zituen, ilargian islatutako eguzkiak itsutuko balu bezala.

Bosgarrenak ez zuen ezer berezirik, ardi bat zen, bat gehiago.

Seigarrenak buru erdia beltza zuen eta gainontzekoa zuri nuklearra.

Irakurtzen jarraitu

Gurutze beltza

LEKORE (2015)


Herioak daramatzanak betiko doaz.
Gomuta geratzen da soilik.
Goizalde Landabaso

Soinean jantzi dotoreak dakartzaten gizon eta emakumez bete da taberna eta arratsaldean telefonoz eman didaten berria datorkit gogora:

«F hil da bart, gibelera doan arteria lehertu zaio. Etxetik ospitalera eraman eta bertan hil da, koma artifizialean zegoela, agoniarik gabe. B-rekin kafe bat hartzen ari nintzela gertatu da.»

Irakurtzen jarraitu